Einsteineffektar er tre astronomiske konsekvensar av Albert Einstein sin relativitetsteori, føresagt og seinare stadfesta ved observasjonar: Merkur si perihelforskyving. Den store aksen i banen til Merkur dreier seg 43 bogesekund raskare per hundreår enn det teorien til Isaac Newton gjev. Lysavbøyinga ved solranden. Når ei lysstråle passerer like ved solranden, blir ho avbøygd 1,75 bogesekund. Gravitasjonsraudforskyving. Lys som vert sendt ut frå ei stjerne vil få spektrallinjene forskyvd mot raudt, og forskyvinga vil vere proporsjonal med massen til stjerna og og omvendt proporsjonal med radien til stjerna.